Pas lajmit që BE i ka dërguar kërkesë Qeverisë Greke që të nisë të trajtojë çështjen çame, nisën reagimet e ashpra. Qeveria helene jo vetëm që nuk e ka miratuar këtë kërkesë dhe ka këmbëngulur se nuk e njeh çështjen çame, por ka “sulmuar” dhe Komisionerin Johannes Hahn. Ministria e Jashtme Greke ka thënë se kjo deklaratë është e pavërtetë dhe e papranueshme dhe i ka kërkuar komisionerit që ta tërheqë deklaratën e tij.
“Hahn të tërheqë deklaratën e tij dhe ta korrigjojë, pasi ka shkelur kompetencat e tij.
Çamëria nuk ekziston, për këtë arsye nuk mund të pranohet apo negociohet. Komisioneri Hahn me përgjigjet e tij të pavërtetë tregon se nuk ushtron rolin dhe funksionet e tij sipas parimit të paanshmërisë për të nxitur interesat e përbashkëta të Bashkimit Evropian, siç parashihet në nenin 17 të Traktatit të Lisbonës”, shkruhet në  deklaratën e Ministrisë së Punëve të Jashtme të Greqisë.
Një ditë më parë komisioneri Johahens Hahn në një seancë dëgjimore me eurodeputetët, ka theksuar çështja çame duhet të negociohet.