Bukuroshja 25 vjeçare këndoi hitin “Me, Myself & I”, në bashkëpunim me reperin G-Eazy dhe të gjithë lanë kokën pas saj. Sot ajo ishte në “gojën” e shumë sajteve të huaja të cilat lavdëronin performancën shpërthyese të Bebe Rexhës. “Me, Myself & I” po rezervon edhe suksese të mëtejshme për artisten RnB pasi aktualisht pozicionohetnë vendin e e shtatë të Billboard Hot 100. Po kjo nuk është gjithçka pasi shumë shpejt pritet të publikohet klipi i “No Broken Hearts”, i realizuar me reperen Nicki Minaj.

Ajo ishte gjithashtu e kandiduar për “Këngën Më të Mirë Dance të Vitit”, me hitin e padiskutueshëm “Hey Mama”, në bashkëpunim me David Guetta, Nicki Minaj dhe Afrojack, por nuk pati shumë fat pasi humbën përballë “Where Are U Now” të Skrillex.