Një automjet është djegur gjatë natës së kaluar në qytetin bregdetar të Durrësit. Mjeti tip ”Mercedes Benz” është përfshirë nga flakët rreth mesnatës së kaluar, teksa ndodhej i parkuar në rrugën ”Petrit Llaftiu”, në lagjen 15 të qytetit.

Grupi hetimor po punon për përcaktimin e shkaqeve të zjarrit dhe ende nuk mund të flitet për një zjarrvënie të qëllimshme apo zjarr aksidental, shkaktuar nga ndonjë problem teknik i mjetit.

“Më datë 22.05.2019, rreth orës 02:45, në lagjen Nr 15 ,Durrës , ka rënë zjarr dhe është djegur plotësisht automjetin në pronësi të shtetasit T.Q.,57 vjeç”, njofton policia.