Ata janë dy miq shumë të mirë, por para dy vitesh në mediat rozë u përfolën se kanë patur një grindje. E gjitha kjo pasi janë parë duket debatuar në një prej lokaleve të Tiranës dhe u tha se zënka degradoi edhe në dhunë fizike.

Por ishte Julian Deda ai që reagoi në Facebook duke sqaruar se bëhej fjalë për një debat profesional. 

Kjo ngjarje është sjellë sërish në vëmendje ditën e djeshme në një intervistë që Albano ka dhënë për Tv Klan.

“Ne jemi shokë të ngushtë dhe Juli është një nga njerëzit që më ka ndihmuar më shumë për çdo hall. I pari që vjen është Juli, Turi ose Visjani. Nuk jemi njerëz që dalim vetëm në skenë. Qajmë hallet, ndajmë gëzime”, -është shprehur aktori.

Po ashtu, Albano ka shtuar se karrierën ia ka borxh Turjan Hyskës dhe Julian Dedës, pasi të mos ishte për ata nuk do të ishte bërë askush.