Agjencia e Parqeve dhe Rekreacionit – Bashkia Tiranë sjell për të tretin vit radhazi Maratonën e Kërcimit me ritme, krijimtari, interpretime nga studio dhe shkolla të ndryshme të kërcimit. Rreth 1500 artistë të të gjitha grupmoshave do të ndezin atmosferën në Parkun Rinia prej orës 9:00 të mëngjesit deri në orët e vona të mbrëmjes. Të gjithë llojet e kërcimeve, nga populloret deri ato më modernet, ftojnë qytetarët e Tiranës të bëhen pjesë e këtij aktiviteti. Është konceptuar si një festë e hapur për këdo që dëshiron të marrë pjesë si spektator apo protagonist në një ditë ndryshe dhe të pasur me ritme kërcimi. Për 15 orë publiku do të ketë mundësinë të shijojë artin e vallëzimit dhe njëkohësisht të bëhet pjesë e kërcimeve profesioniste.