Gashi edhe pse është bërë tashmë një reper me famë botërore dhe ka pasur bashkëpunime shumë “yje” të industrisë muzikore, përsëri nuk e harron vendlindjen e tij Kosovën dhe kombësinë shqiptare.

Së fundmi ai ka bërë një gjest vërtet të admirueshëm.

Në trupin e tij tashmë gjendet një tatuazh në të cilin lexohet qartë emri “Kosovo”, si dhe më poshtë një çifteli e vogël emblemë e folklorit tonë popullor.

Mirëpo, iconstyle.al ka vënë re se në këtë foto kanë vërshuar plot kritika për reperin, pavarësisht dëshirës së mirë të reperit me këtë tatuazh.

Pjesa më e madhe e komenteve janë të tipit: “Duhet ta shkruaje ‘Kosova’ në shqip, jo ‘Kosovo’ në anglisht!”

Po ashtu nuk ka munguar edhe një tjetër koment nga një ndjekës i cili i shkruan: “Kosovo është një emër serb, jo shqiptar.

Emri i vërtetë i Kosovës është Dardania. Kosovo do të thotë mëllenjë (zog i zi) kështu që ti po mban një emër serb, tatuazh në lëkurën tënde.”

Gashi ka preferuar heshtjen në këtë situatë, pa reaguar në komente siç zakonisht bën.