Ish-kryeministri i vendit, Sali Berisha ka shpjeguar arsyen pse nuk e ka uruar kryeminstrin e rizgjedhur, Edi Rama.

Përmes një postimi në rrjetet sociale, ku i kthen përgjigje edhe një qytetari, ai ka shkruar se nuk mund ta uroj Ramën sepse kjo nuk është një fitore e bekuar, por e përçmuar nga 54% e shqiptarëve që e ndëshkuan kreun socialist me bojkotin e tyre.

Më tej, Berisha e cilëson fitoren e Ramës si më të gjymtuarën që kur është votuar për herë të parë në zgjedhjet pluraliste në Shqipëri.

Postimi i plotë:

“Pergjigje z/znj Trendy Alb!

Pershendetje Trendy! Lidhur me pyetjen tuaj “pse nuk e kam uruar Edi Ramen?”, pergjigja ime eshte kjo:

Une nuk e kam uruar Ramen sepse nuk mund ta uroj dot per arsyet qe vijone.

Se pari, sepse fitoren e tij e ndeshkuan me vote ose me bojkot 78% e shqiptareve. Kjo nuk eshte fitore e bekuar por eshte e perçmuar nga 54% e shqiptareve, qe zgjodhen bojkotin per tr shprehur zemerimin dhe per te votuar kunder tij. Po t’u shtosh ketyre edhe 48% te atyre qe shkuan tek kutite e votimit dhe votuan kunder tij, del se kjo eshte fitorja me e gjymtuar qe kur eshte votuar per here te pare ne zgjedhje pluraliste ne Shqiperi.

Pra, a mund te uroj une qeverisjen e 4/5 te shqiptareve nga 1/5 e tyre?! Kurre jo. Natyrisht ka dhe nje seri shkaqesh te tjera te njohura boterisht, por, une e di se si idhtar i pakorrigjueshem i Rames, ti nuk i pranon ato (miq, Trendy nderhyne shpesh ne rrjetin tone me komentet e tij ne mbrojtje te Rames por ne teresi ruan etiken), ndaj dhe une te rendita vetem njerin qe nuk besoj se mund te kundershtosh. Me respekt, sb!”