Ajo vjen sërish me një këngë të veçantë ku nuk mund të mungojë natyra e saj eksplozive. “Kameleon” është realizuar nga artistja 29 vjeçare në bashkëpunim me reperen e re Ansi, me të cilën na kujtoi pak hitin e saj “Zejemër” për shkak të ngjashmërisë së të bërit rap ndërmjet Ansit dhe Majk. Dhe ndërsa flasim për Majk, ishte pikërisht ai një nga tekst-shkruesit, së bashku me të përhershmin Alex dhe Sparrow Hawk. Muzika u realizua nga Kledi Bahiti dhe Three Dots, me të cilin Besa ka bashkëpunuar vazhdimisht ndërsa producente e këngës është ajo vetë. E fundit por jo më pak e rëndësishme, klipi me ndërthurjen interesante të ngjyrave u bë i mundur nga Pro Video.