Mund të mendosh se është diçka e pa besueshme për t’u jetuar, por jo, me siguri kemi jetuar qindra jetë të shkuara, që na kanë dhënë mundësinë për të dashuruar shpirtra të ndryshëm.

Po cilat janë shenjat që tregojnë se ke takuar dikë në një jetë të mëparshme?

1. Ndjen një lidhje dashurie menjëherë me të

Edhe njerëzit që ke dashuruar në jetën e shkuar është shumë e thjeshtë t’i dashurosh në jetën aktuale. Ka njerëz me të cilët takohesh dhe lidhesh shumë fort. Është një ndjesi shumë e vërtetë. Do ta kuptosh kur ta ndjesh.

2. Ndjen një reagim të menjëhershëm negativ ndaj tyre

Sigurisht që ke pasur armiq dhe njerëz jo të dashur në jetën tënde të shkuar, njësoj si në atë aktualen. Kjo mund të përjetohet me ata që nuk të pëlqejnë, pa një arsye të veçantë. Kjo nuk do të thotë se duhet patjetër ta urresh!

3. Ke një lidhje telepatike

Duket sikur ti e di se çfarë ndjen personi tjetër, di se çfarë do të thotë. E mendon dhe pas pak të telefonon apo merr një mesazh nga ai njeri.

4. E kupton nga sytë e tij/saj

E sheh në sy dhe shikon diçka kaq…familjare. Të tërheqin thuajse menjëherë. Ekspertët e rimishërimit mendojnë se nuk është vetëm një rastësi. Kushtoji shumë vëmendje njerëzve që do takosh.