Këngëtari i njohur nga Korça, Young Zerka ka qenë mbrëmjen e kaluar i ftuar në programin ‘Klanifornia’, ku është vënë përballë disa pyetjeve të ndryshme. Ai tregoi se do të sjellë 5 këngë të reja për albumin e tij të ri, të cilin do ta promovojë në rrjete sociale të quajtur ‘Ep’.

Përveç karrierës, Zerka nuk i shpëtoi dot as pyetjeve lidhur me jetën private. I pyetur se pse ai dhe Ronela Hajati kanë vendosur ta mbajnë lidhjen të fshehtë, ka pohuar sepse nuk ka dashur që të njihen nga publiku vetëm si ‘Zerka dhe Ronela’. Më tej ai ka shtuar se Hajati nuk është aspak natyrë xheloze, ndërsa ka treguar dhe se kanë 5 vite bashkë.

Ky detaj i ka surprizuar të gjithë të pranishmit në sallë, ndërsa Marina e ka vlerësuar sinqeritetin që artisti ka treguar. Ai këndoi edhe disa prej projekteve muzikore që ka sjellë gjithë këto kohë, të cilat u pritën mirë si çdo herë tjetër nga të pranishmit në sallë.

Kujtojmë se nën titullin “Kce sonte”, Zerkasë fundmi publikoi këngën në bashkëpunim me Deejay PM dhe Dj Dagz.