Spotify jo vetëm që ka fituar, po e ka dërrmuar tërësisht rivalin e saj Apple Music. Firma suedeze e transmetimit online të muzikës ka zbuluar se deri tani ka arritur të mbledhë rreth vetes plot 50 milionë përdorues në mbarë botën, më shumë se dyfishin e Apple Music. Kjo e fundit kishte lajmëruar në dhjetor që ndjekësit e saj arritën shifrën e 20 milionëve, shumë pak po ta krahasosh me Spotify. Spotify gjithashtu besohet se po përgatiet për të prezantuar shërbimin e ri të transmetimit të muzikës online, të cilësuar “hi-fi”, me cilësi zëri dhe volumi shumë herë më të mirë se ajo që po ofron aktualisht.