Në seancën e sotme, në Kuvend u betuan 6 deputetë të rinj. Kështu sot u betua kryetari i Partisë Balli Kombëtar Demokrat, Artur Rroshi nga lista shumë emërore e PD, Nikolin Staka nga lista shumë emërore e PD-së në Shkodër, Zef Shtjefni kryetar i Partisë “Ora e Shqipërisë”, lista shumë emërore e qarkut të Shkodrës.

Gjithashtu sot u betuan edhe Eugen Bojaxhi, Fatjona Koço dhe Andi Përmeti nga listat e PD-së. Ky i fundit është edhe një prej themeluesve të partisë më të re “Bindja Demokratike”.

Me betimin e gjashtë emrave të fundit, numri i deputetëve të betuar në Kuvend shkon në 108. Erjon Piciri pritet që të betohet në seancën e radhës, ndërsa dy të tjerë pritet që të marrin mandatin, pasi kanë dorëzuar dokumentacionin në KQZ.