Jo më kot Beyonce famën dhe popullaritetin e saj nuk e përdor vetëm për të fituar, por edhe për të ndarë me të tjerët. Së fundmi është bërë me dije se artistja 34 vjeçare ka vendosur ta perdorë turin e saj “Formation”, i titulluar sipas këngës së saj të fundit, për qëllime bamirësie. Queen Bey ka krijuar një fond të posaçëm për të prekurit nga kriza e ujit në Flint të Michiganit, i cili vjen në kuadër të iniciativës #BeyGood. Kësaj iniciative mund t’i bashkohen të gjithe fansat që duan të kontribuojnë. Praktikisht të gjithë mund të bëjnë mirë nëpërmjet #BeyGood.