Keni dëgjuar një këngë por nuk ju kujtohet emri i saj, ose kush e këndon? Ose keni dëgjuar një këngë të re dhe doni të dini cila është, në mënyrë që ta shkarkoni më vonë.

Pikërisht këtu hyn në punë programi shumë popullor dhe efikas, Shazam.

Hapni aplikacionin kur të dëgjoni këngën, shtypni butonin dhe oleee!!! Shazami ju tregon se çfarë këngë po dëgjoni, e ruan atë që ta gjeni prapë më vonë kur t’ju duhet.

E dini cilët janë këngët më të kërkuara nga dëgjuesit shqiptarë për momentin në “Shazam”? Intv.al ashtu si çdo javë, edhe këtë javë do ju zbulojë se kush janë pikërisht kto 5 këngët që shqiptarët kanë kërkuar më shumë në Shazam.

Këtë javë ka ndodhur e papritura, ku “Rockabye” e Clean Bandit, Sean Paul ft Anne Marie, ka zbritur nga froni, dhe ka zbritur në vendin e 4-ërt, për t’ia dorëzuar vendin e parë “Shape Of You” të Ed Sheeran. Një këngë e cila vetëm në javën e parë është kërkuar më shumë nga shqiptarët, si dhe është një ndër 3 këngët më të luajtura në Radio IN 105.7. Një kryevepër e artistit Ed Sheeran, që dalëngadalë po pushton zemrat e të gjithë dëgjuesve.

Vendi i dytë mbahet nga një këngë veterane tashmë në këtë listë, bëhet fjalë për “Je M’en Fous” e Ridsa, ndërkohë që në vendin e 3-të pozicionohet një “new entry”, bëhet fjalë për “Cris Cab - Englishman In Neë-York ft. Tefa & Moox, Willy William”. Lista plotësohet me sensacionin e Shakirës “Chantaje”

Ja renditja e plotë:

5- Shakira ft Maluma- Chantaje

4-Rockabye- Clean Bandit ft Sean Paul & Anne Marie

3-Cris Cab - Englishman In New-York ft. Tefa & Moox, Willy William.

2-Je M’en Fous-Ridsa

1-Shape Of You-Ed Sheeran