-“Bisnes kulturor! I paguan shteti?! Janë burrë e grua dhe nxjerrrin bukën e gojës me art?! Çfarë rëndësie ka! Është bukur!”. Kështu e përshkruan gazetari Ilir Kadia fenomenin që ka hasur në rrugët e Tiranës ku një çift bashkëshortësh të veshur me kostume popullore tradicionale, përhapin muzikë tradicionale. Duke u rënë veglave muzikore tradicionale ata ecin duke përshkruar rrugët kryesore e rrugicat e lagjeve apo pallateve. Gazetari ka postuar një video në rrjetin e tij social “Facebook” ku nuk kanë munguar komentet. Ky çift artistësh, ka ngjallur interes edhe te personat e tjerë të cilët janë interesuar për dy personat që bëjnë art në rrugë. “Më thanë se jemi nga Rugova”-komenton dikush, ndërsa një tjetër shpehet se “e bukura dhe e vlefshmja tërheq vëmendjen”.