Ai është një ndër reperat më të njohur shqiptarë dhe i ka dhuruar disa hite publikut. Së fundmi këngëtari i njohur Gent Fatali ishte i ftuar në ‘Tour de cool’ ku i është përgjigjur pyetjeve “me spec” të moderatorit. Ai u pyet nëse mendon se në Kosovë artistët mund të bëhen milionera vetëm nga muzika.

Sipas tij kjo është e mundur sepse ka disa mënyra për të nxjerrë para nga muzika, veç koncerteve. Ai përmendi klikimet në Youtube dhe fitimet nga Spotify.

“Ka rëndësi si e luan lojën. Varet çfarë bën. Ka shumë mundësi që të bëhesh milioner. Ka shumë mënyra që mund të fitosh prej muzikës. Ka klikime në Youtube, Spotify. Njerëzit nuk e dinë sa para vijnë nga andej”, tha ai.

Ai mohoi blerjen e klikimeve duke shtuar se suksesi i tij më i madh është që koncertet i mbushen me njerëz që ia dinë këngët.

I pyetur nëse është në rrugën e duhur për tu bërë milioner, Genti tha:

“Milioner do bëhem patjetër, prej muzikës apo diçkaje tjetër, do bëhem. Avash avash, rëndësi ka shëndeti njëherë.”