Duket se Çelsi ka mbyllur marrëveshjen me Monakon për talentin e vet Tiemue Bakajoko.

Mesfushori francez ka mahnitur të gjithë këtë sezon, duke shkëlqyer si në kampionat, ashtu edhe në Ligën e Kampioneve, ndaj shumë klube kanë nisur ta vëzhgojnë dhe Çelsi ka nxituar, për të mposhtur konkurrencën.

Mesfushori 22-vjeçar, i cili është pjesë e kombëtares franceze, ka arritur me kohë marrëveshjen me Çelsin, por ndërkohë klubi londinez nuk kishte gjetur ende marrëveshjen me Monakon, edhe pse ishte thjesht çështje kohe dhe diferenca ofertë-kërkesë ishte e vogël.

Përveç Bakajokos, Çelsi kërkon edhe mbrojtësin Aleks Sandro nga Juventusi dhe sulmuesin Romelu Lukaku nga Evertoni.