Carlo Ancelotti ka “zyrtarizuar” blerjen e radhës, por ajo nuk ka të bëjë aspak me Napolin. Trajneri i njohur italian ka qenë në Milano për të blerë një kalë race me vlerën e 75 mijë eurove, duke shtuar kështu koleksionin e kuajve ekzemplarë në stallën e tij të njohur me emrin “Scuderia Dei Duepi”.

Ancelotti ka blerë në ankand një kalë të njohur me nofkën “Black Mirror”, gjinia femër, një kalë race. Kali “Black Mirror” rrjedh nga kryqëzimi i kalit Teofilo me Paris To Peking, dy kuaj fitues në gara të ndryshme hipizmi dekadën e fundit në Europë dhe botë.

Ndaj për Ancelotti kjo konsiderohet një “blerje” me vlera për përmirësimin e racës së stallës së tij të kuajve.