E tillë është dashuria për një klub futbolli dhe në rastin e Bleros për Barcelonën, me të cilën dihet se është tifoz. Kështu është shprehur ai nën një foto të postuar në Instagram, ku dukej krah vogëlushes së tij simpatike Tara, të dy të veshur me uniformat blaugrana. “Me dashurinë time FC Barca” thuhet në mbishkrim, edhe pse jemi të bindur se nuk i dedikohet vetëm ekipit spanjoll të futbollit, por edhe vajzës së tij. Nuk është i rastësishëm postimi, pasi pikërisht sot hidhej shorti i Champions League, ku për fat të keq të Bleros, Barçës i ra të luajë kundër Juventus. Një ndeshje që kishin shpresuar ta shmanginin, të paktën për çerekfinale.