Pas bllokimit të rrugës Levan-Tepelenë ditën e sotme nga rrëshqitja e gurëve në poçem, ka reaguar përfaqësuesi i ARRSH, Klodian Sava.

Sava shprehet se momentalisht është e pamundur zhbllokimi i rrugës.

Kompanitë kontraktore kanë mbërritur në vend për të vlerësuar situatën dhe zhbllokuar rrugën.

Ndërkaq në bashkëpunim me Policinë Rrugore është devijuar qarkullimi dhe mjetet po përdorin rrugën e vjetër të Ballshit.

Por devijimi nga Ballshi sërish ka krijuar probleme pasi rruga nuk e përballon një fluks të madh automjetesh dhe kalimi bëhet me vështirësi.