Kristjan Caca është shpallur dje kampion italie në thai box, ku jo vetëm ka fituar me knock out, por edhe ka thyer dorën e kundërshtarit të tij, italianit Fabio Nativo. Kjo është hera e tretë që 21 vjeçari që peshon 66 kilogramë shpallet kampion, ku pas dy titujsh si kampion në Gjermani në federatën e famshme ISKA, tashmë pushton edhe vendin fqinj. Në Itali Caca është shpallur kampion në federatën Top Kombat Confederation.

Por kjo nuk është gjithçka, pasi kot nuk thonë se trimat e mirë janë me shokë shumë. Dhe në rastin e kampionëve, edhe shokët e tyre nuk kanë se si të jenë ndryshe. Bëhet fjalë për Ervis Bicin, i cili është shpallur gjithashtu kampion në Itali për herë të tretë, në Top Kombat Confederation në peshën e tij, 75 kilogramë. Bici mundi italianin Giuseppe Giacomazzo duke konfirmuar pathyeshmërinë e tij, me fitoren e 10 në 10 ndeshje të zhvilluara. Tradita e kampionëve shqiptarë vazhdon dhe duke gjykuar nga këta të rinj premtues, e ardhmja duket e garantuar.