Përmes një postimi në Instagram, vetë stilistja Bora Kokëdhima ka bërë të ditur se ajo do të kujdeset për veshjen e këngëtares Tarifa në pjesëmarrjen e saj në Eurovizion 2016. Xhirimet e klipit do të nisin shumë shpejt, por ndërkohë Bora ka paraqitur një nga krijimet e saj të quajtur “Çika e Tropojës”.
“Kjo eshte nje nga 10 veshjet e Enedes ne Eurosong2016 "Cika e Tropojes" quhet.Duam te sjellim copeza te Shqiperise ne menyren me moderne te mundshme si ne look ashtu edhe ne sheshxhirime! Ky shoot ka 4 veshje qe do shpalosen ne ditet ne vijim.Se shpejti, fillojme xhirimet e kenges "Perralle" kompozuar nga @olsa_rraku”, shkruan ajo poshtë fotos. Siç e kishim parashikuar, të bashkëpunosh me dy artistë si Bora dhe fotografi Renuar Locaj, rezultati do të jetë një sukses i garantuar. Mezi po presim të shikojmë edhe stilimet e tjera të saj. Një punë vërtet e bukur!