Është e pashmangshme që, kur një marrëdhënie sa intensive aq edhe pasionante përfundon si kjo e Brad Pitt dhe Angelina Jolie, situata bëhet shumë dramatike. Por askush nuk e kishte parashikuar se si do të shkonin kështu gjërat për çiftin e artë të Hollyëood, dhe askush nuk është më i surprizuar se vetë Brad Pitt. Bota u shokuar kur Angelina i kërkoi divorcin aktorit 53 vjeçar dhe ekipi ligjor i aktores ngriti pretendimin se temperamenti i Pitt dhe abuzimet e tij ishin shkaku i ndarjes. Por fatmirësisht Pitt u lirua nga këto akuza pas një hetimi të organeve kompetente, por kjo nuk do të thotë që drama përfundoi.

Pas kërkesës së Jolie për kujdestarinë e plotë të gjashtë fëmijëve të çiftit, situata që është duke i thyer zemrën Brad, është fakti se Angelina po bën çmos për t’i mbajtur larg fëmijët nga ai. Sipas një burimi të afërt me aktorin, Brad është i bindur se aktorja 42 vjeçare po i “helmon” fëmijët kundër tij dhe nuk arrin ta kuptojë se si mund të sillet në këtë mënyrë ish-bashkëshortja e tij.

Është e qartë se gjithçka ka marrë fund mes tyre, por të paktën dashuria për fëmijët nuk mund t’i privohet!