Tashmë erdhi momenti i shumëpritur për një baba që thuhet se do fëmijët e tij mbi gjithçka, pasi më në fund pati mundësinë t’i takojë që pas ndarjes shumë të shëmtuar. Revista People bën me dije se aktori 52 vjeçar dhe Jolie ranë dakort për një marrëveshje të përkohshme kujdestarie deri sa gjykata të marrë vendimin përfundimtar. Problematika kryesor e divorcit përflitet se është pikërisht zgjidhja përfundimtare e kujdestarisë, me Angelina-n që kërkon t’i marrë fëmijët të gjithë për vete. Kjo veçanërisht pasi abuzimi verbal dhe fizik që Brad pati me djalin e tyre 15 vjeçar Maddox ishte pikërisht pika që derdhi kupën, duke i shtyrë drejt ndarjes.