Sipas revistës Forbes, Kim Kardashian fitoi plot 51 milionë dollarë vitin e kaluar por pasuria e saj shkon tek 150 milionë. Dhe gjejeni çfarë? Ajo vlen më shumë se bashkëshorti, Kanye West i cili e quan veten “artisti më i mirë që merr frymë”.  Ai vetë raportohet se vlen 145 milionë. Jo pak kur kujton pretendimet e Kanye se kishte 53 milionë dollarë borxh.

Për të kaluar tek ish-burri i familjes (tashmë grua), Bruce Jenner gëzonte një llogari të panumërueshme falë historisë si atleti  fitues i medaljes së artë, përpara se të bëhej Caitlyn Jenner. Tani “ajo” thuhet se vlen diku tek 100 milionë. Ndërkaq, mamaxherja më e famshme në botë, Kris Jenner merr 8% të fitimeve të të gjithë familjes duke bërë kështu një vlerë prej 60 milionë dollarë.

Nga ana tjetër, ylli i NBA, Lamar Odom, edhe pas eksperimenteve të fundit me drogën dhe dëmtimit të imazht prej basketbollisti profesionist, nuk duket keq me shifrën prej 30 milionë dollarësh. Pranë tij  pozicionohet ish bashkëshortja, Khloe Kardashian, me 25 milionë që nuk janë pak me gjithë faturat e kripura që i është dashur të paguajë për rehabilitimin e Odom. 

  Në të njëjtat ujëra qëndron motra e madhe, Kourtney Kardashian. Ndërsa Scot Disick mund të ketë “fituar llotarinë” me bërjen cift me Kourtney-n , por babai i tre fëmijëve vjen po ashtu nga një familje e pasur dhe vlera e tij shkon tek 16 milionë. Kunata më e vogël e tij, Kylie Jenner, numëron shifrën prej 10 milionësh me perspektivën për ta rritur atë tani që 18 vjecarja ka në duar një biznes të suksesshëm të kozmetikë. Po aq fiton edhe motra modele e Kylie, modelja Kendall Jenner. Jo keq për një 20 vjecare.

Vëllai i motrave më të famshme në planet ka bërë më shumë se hedhjen në treg të një linjë corapesh dhe lënien shtatzënë të Blac Chyna, por megjithatë ai vlen 6 milionë. Kjo e fundit mund të ketë shifrën më të vogël nga të gjitha femrat e klanit Kardashian por ajo është prapë një nga striptistet më të pasura të të gjitha kohërave. Nusja e ardhshme e Robert Kardashian, vlen tani 3 milionë dollarë. Dhe i fundit por jo më pak i rëndësishmi, është i dashuri me periudha i Kylie-t, Tyga. Vlera e tij përcaktohet tek 2 milionë. Të jesh dashuria e Kylie-t ka përfitimet e veta.