Për të gjithë ata që janë në kërkim të një shtëpie ndryshe, të mirëmodeluar me klas e shije, me pamje nga deti erdhi një ofertë. Bëhet fjalë për vilën e stilistëve Dolce Gabbana e cila ndodhet në Stromboli, ishull Sicilian.

Stilistët kanë vendosur të shesin vilën e tyre historike ku kanë ftuar emra të njohur si Madonna apo Naomi Campbell. Lajmi është bërë me dije nga agjencia imobilare që kujdeset për shitjen e saj.

Vila ka 235 dhoma, 7 suita me ngjyra të ndryshme dhe kopshte 300 metra katror. Vila është në realitet një mrekulli unike. Edhe pamja nga shtëpia është unike, në të shkohet vetëm me helikopter ose varkë.

E vetmja gjë e cila nuk dihet është çmimi, sa shitet super shtëpia. Zërat e parë flasin për një shifër rreth 6 milionë euro. Ne kemi mundësi vetëm ta shohim në këto foto për të ditur sesi jetojnë superstilistët.