Policia italiane në bashkëpunim me policinë kufitare të Brindizit kanë shtuar masat e sigurisë  në Port. Në të gjithë territorin Italian dhe në pikat strategjike të vendit, policia italiane ka ushtruar  gjatë orëve të fundit operacionin e një kontrolli të jashtëzakonshëm në Portin e Brindisit.

Ky operacion është pjesë e planit të sigurisë “Impakti i Madh i Adriatikut faze 4”, i cili ka si qëllim luftë kundër emigracionit klandestin, kryesisht të personave që mbërrijnë nga portet greke e shqiptare.

Operacioni i kontrollit i kryer gjatë orëve të fundit në portin e Brindisit ndaj të gjitha anijeve të mbërritura nga Shqipëria e Greqia, ka çuar në mohimin e hyrjes në territorin italian të 21 shqiptarëe, 1 prej tyre është arrestuar, e 1 person tjetër është denoncuar.

Gjithashtu janë sekuestruar 21 kg cigare kotrabandë, në bordin e një automjeti.

21 shqiptarëve që u është mohuar hyrja në Itali u janë gjetur parregullësi në dokumentacione për të udhëtuar të lirë në zonën Shengen.

Ndërsa ndaj shqiptarit të arrestuar ekzistonte një urdhër arresti i lëshuar kohë më paë nga Prokuroria e Provincës së Arezzos.

Gjatë kontrollit në Portin e Brindizit ishte e pranishme dhe policia kufitare gjermane në bazë të një marrëveshjeje të nënshkruar nga Ministritë e Brendshme të dy shteteve.

Policia italiane ka ushtruar një kontroll të kujdesshën ndaj të gjithë pasagjerëve të mbërritur nga Shipëria e Greqia, ndaj automjeteve të tyre e automjeteve me ngarkesë mallrash.

Janë kontrolluar 4.768 persona, prej të cilëve 2928 janë extrakomunitarë si dhe 1.075 automjete.