Bandat shqiptare janë të përhapura më shumë në qytetet bregdetare dhe fshatrat lokale duke pasur kështu më të lehtë lidhjen me kartelet e Amerikës Latine, tregojnë të dhënat e The Times.

Ritmi me të cilin janë rritur shqiptarët si “bosë” të bandave kriminale dhe si “padronë” të kokainës janë paraqitur me shifra nga Agjencia Kombëtare e Krimit.
Tabela e NCA rendit nacionalitetet më të rrezikshme që bëjnë pjesë në territorin britanik dhe që shqiptarët janë rritur ndjeshëm, duke lënë pas pakistanezët, kinezët, polakët, nigerianët, indianët, irlandezët, iranianët dhe ganezët. Vendin e parë e mban Rumania, e ndjekur nga Shqipëria.

Këto zbulime erdhën pasi hulumtimi i Global Drug Surveys me bazë në Londër publikoi gjetjet që skandalizuan publikun britanik ku thuhej se në Angli dhe Skoci kokaina të shërbehej më shpejt se sa një picë.

Bandat shqiptare tashmë kanë arritur të kenë një reputacion të frikshëm, pasi mendohet të jenë ekspertë të logjistikës, të aftë për të përdorur armët dhe aftësi për të “eliminuar” grupet rivale pa rënë në sy aspak për aktivitetin e tyre.

Kanabisi i shitur në të gjithë Evropën, mendohet të jetë me vlerë 4 miliardë paund në vit, por në Britani bandat janë përqendruar në furnizimin fitimprurës të kokainës, e cila shitet edhe cepave të rrugës. Kokaina, e cila vjen nga shqiptarët po arrin edhe tek fëmijët deri në 12 vjeç.

Andy Cook, shefi i policisë së Merseyside, i cili është zëdhënësi kombëtar për krimin e organizuar, tha:

Ndikimi shqiptar ka shtrirë influencën e tij në shumë qytete. Sfida është edhe më e madhe me vendet e Ballkanit, sepse ne nuk kemi domosdoshmërisht lidhjet. Është më e vështirë të depërtojmë në komunitetet e tyre përmes mjeteve të fshehta. Ata janë të lidhur ngushtë, por së fundmi ka pasur suksese të dukshme.”

Një burim i Agjencisë Kombëtare të Krimit shtoi se korrupsioni dhe mungesa e bashkëpunimit nga autoritetet në Ballkan e kishin bërë më të vështirë depërtimin tek baronët e drogës.

Të dhënat u grumbulluan nga projekti i hartimit të grupeve të krimit të organizuar, nëpërmjet të cilit agjencia monitoron inteligjencën nga forcat policore në të gjithë Mbretërinë e Bashkuar, si dhe Forca Kufitare dhe HM Revenue & Customs, sipas joq.al

Më shumë se 70 për qind e gangsterëve në Britani të Madhe gjatë tre viteve ishin britanikë dhe 60 për qind ishin klasifikuar si "veriorët e bardhë europianë". Vetëm 13 përqind ishin të zinj.

Shifrat treguan gjithashtu se bandat pakistaneze, të cilat tentojnë të përfshihen shumë në tregtinë e heroinës, ishin grupi i dytë më i shquar.

Pas historisë

Një bandë “dealers” (shpërndarës) në lindje të Londrës e quajnë veten "Hellbanianz" kanë kapuar pjesën më të madhe të “tregut” të kokainës në vendin tonë dhe janë komando në këtë treg.

*Hellbanianz është ngritur edhe si grup muzikor i rapit, ku ka shënuar jo pak sukses me hitet e tyre të bazuara në histori të vërteta të jetesës së tyre. Djemtë e grupimit e çojnë drogën në vendpushimet e plazhit në Essex ose në fshatrat e vendit, duke bërë qindra paund në orë.

“Dealers”/Tregtarët vjedhin rivalët e tyre të armatosur me thika dhe armë, dhe borxhet e papaguara dënohen me rrëmbim dhe torturë.

Ata jetojnë me një kod nderi të quajtur "besa", një betim për të mbrojtur njëri-tjetrin qoftë edhe me jetën e tyre.

Në vitin 2013, katër anëtarë të një sindikate të drejtuar nga shqiptarët u burgosën në Glasgoë pasi u kapën me një valixhe të mbushur me £ 1.2 milion në kokainë. Imazhet në telefonin e një anëtari treguan Albert "Diti" Memia, 25 vjeç, i cili e kishte shkruajtur nofkën e tij me kokainë.

Gangster mesatar

Megjithëse gangster mesatar quhet ende një mashkull i bardhë britanik, ka disa ndikime të huaja. Një "tabelë ligjesh" vitin e kaluar të origjinës së bandave më të mëdha tregoi se shqiptarët ishin rritur në tre vjet.

Banda kineze u rrit nga 12 në 7 në tabelë në të njëjtën periudhë. Ata tentojnë të përfshihen në rritjen e kanabisit dhe në mashtrime të ndërlikuara tregtare për të pastruar paratë. Ata gjithashtu furnizojnë fentanil, një zëvendësues vdekjeprurës heroinë dhe substanca të tjera psikoaktive të dizenjuara në Kinë. Bandat irakene treguan rritje të aktivitetit që nga viti 2015, duke u rritur nga data 15 deri më 9. Bandat pakistaneze ishin gjithmonë kriminelët e dytë më të përhapur sipas kombësisë në lindje.