Kryeministrja e Serbisë, Ana Brnabiç gjatë fjalës së saj në Asamblenë e Kombeve të Bashkuara ka thënë se Serbia në këto vitet e fundit po përpiqet të mbyllë kutinë e Pandorës, që u hap nga Prishtina.
"Ajo që Serbia është munduar të bëjë vitet e fundit ka qenë përpjekja për të mbyllur kutinë e Pandorës, hapur dhjetë vjet më parë kur autoritetet e Prishtinës, që deklaruan pavarësinë e njëanshme dhe shpejt një numër vendesh e njohën këtë deklaratë pavarësie pa marrë parasysh ligjet dhe standartet ndërkombëtare", tha ajo në fjalën e saj.
Duke folur për paqen dhe stabilitetin Brnabiç tha:
"Ne duhet të marrim përgjegjësi për krijimin e paqes dhe prospertetit. Ne jemi njohur gjithnjë për emocione të mëdha, sakrifica, luftëra poetike, armiqësi tradicionale. Sot Serbia është duke u munduar fort t'i lë këto në të kaluarën dhe të rritet për t'u bërë më e përgjegjshme, dhe jo emocionale, më pragmatike dhe jo u mbytur në mite, krenare për fitoret dhe jo për humbjet, një vend që është duke krijuar miqësi aty ku nuk pritet, aty ku kanë qenë armiqësitë tradicionale."