Presidenti i Republikës, Bujar Nishani e shkrimtari njëheresh dhe diplomati i ngarkuar me punë në Vatikan, Visar Zhiti kanë hedhur shumë akuza, por së fundi përplasja mes tyre përfundoi në Gjykatën e Tiranës.
Është Nishani që i kërkon Gjykatës së Tiranës që të dënojë Zhitin me akuzën e dëmtimit të figurës së presidentit dhe familjes së tij. Padia është hedhur në short këtë të martë pranë dhomës civile në Gjykatën e Tiranës dhe i ka rënë gjyqtares Mimoza Kajo që do të vendosë nëse do të pranojë apo jo padinë e Presidentit të Republikës. Nishani dhe Zhiti janë përfshirë në akuza, pasi presidenti refuzoi të dekretoj Zhitin për postin e ambasadorit pranë selisë së shenjtë në Vatikan. Zhiti ka thënë se familjarë të Nishanit kanë qënë spiunë të sigurimit.