Lajmi se vajzat e bukura që shoqërojnë makinat në garat e Formula 1 do të largohen bëri shumë bujë.

Madje u duk edhe një ide revolucionare në një nga sportet më të çmendura në botë.

Por pa dyshim Formula 1 e ka një plan se kush do të zëvendësojë bukuroshet.

Dhe protagonistë do të jenë pikërisht fëmijët.

Fëmijët do të kenë mundësinë të marrin pjesë, të shoqërojnë pilotët. Fëmijët do të përzgjidhen për aftësitë e tyre sportive në motorsport.

“Do të jetë një mundësi unike për ta, do të jenë pranë heronjvë të tyre në nisje të garës, do të jenë me pilotët më të mirë në botë. Për ta dhe familjet e tyre do të jetë një eksperiencë e paharrueshme, një frymëzim që të vijojnë të ëndërrojnë për gara, të trajnohen, të ëndërrojnë se një ditë do të bëhen si heronjtë e tyre. Nuk ka mënyrë më të mirë për të frymëzuar gjeneratën e re të heronjve në Formula 1’ u shpreh drejtori komercial Sean Bratches.