Një shpërthim me lëndë eksploziv ka ndodhur në qytetin e Burrelit mbrëmjen e sotme në një magazinë që tregtonte miell. Sipas policisë, eksplozivi është vendosur një magazine në lagjen “Pjetër Budi” rreth orës 20:40. Ndërtesa që shpërtheu me tritol është në pronësi të 55-vjeçarit me iniciale M.S. Nga shpërthimi nuk ka asnjë të lënduar dhe për pasojë është dëmtuar pjesërisht grila prej llamarine e derës që hyn në magazinë si dhe një pjesë e vogël e faqes së murit në krah të derës. Nga policia bëhet e ditur se janë ngritur postblloqe në hyrje dhe në dalje të qytetit për të identifikuar dhe arrestuar autorët.