Pas tragjedisë që ka goditur shtetin fqinjë ka ardhur dhe reagimi i ministrit të Jashtëm Ditmir Bushati.

Nëpërmjet një statusi në facebook, Bushati i ka shprehur ngushëllimet Greqisë dhe familjarëve të viktimave.

Ndër të tjera Ministri shprehet se deri tani raportohet se vetëm një shtetas shqiptar është lënduar dhe ai ndodhet në spital jashtë rrezikut për jetën.

Statusi i plotë

"Në këtë moment të vështirë ne jemi pranë fqinjit tonë, #Greqisë dhe shprehim ngushëllimet tona për familjarët e viktimave. I urojmë shërim të shpejtë të prekurve nga kjo tragjedi.

Albania in Greece - Ambasada e Republikës së Shqipërisë në Greqi është në kontakt të vazhdueshëm me autoritetet greke dhe qytetarët shqiptarë të zonave të prekura.

Deri në këto momente raportohet vetëm një shtetas shqiptar që ndodhet në spital jashtë rrezikut për jetën. Për çdo nevojë qytetarët t'i drejtohen Ambasadës në Athinë në nr. +30 6941658183."