Pak kohë pasi postoi hitet e tij të fundit me këngëtaren shumë të njohur Eleni Foureira dhe atë solo “E Jona”, artisti i talentuar i është futur punës me kokë për një tjetër këngë, dhe që tani e kemi dëgjuar për herë të parë! Ai publikoi një video në Insta ku shfaqet duke kënduar pak fjalë nën muzikën e asaj që është dukshëm kënga e tij e re. Pak sekonda, por që mjaftojnë për të na tërhequr menjëherë vëmendjen drejt tingujve ritmikë. Edhe pse të bindur se ky ëhstë një fillim i mirë për këngën tjetër, nuk mund të themi se nuk jemi pak konfuzë. Butrinti është shprehur në interviste se aktualisht po punon në disa projekte, ndër të cilat do kemi një sërë bashkëpunimesh. Në këtë video ama, ai shfaqet i vetëm. A do të jetë kjo këngë “jashtë serie”, pra një realizim solo, apo ai thjesht po e ruan më të bukurën për në fund?