Dita e sotme na ka rezervuar disa sfida interesante për javën e 16-të të Kategorisë Superiore. Ekipi i fundit në renditje, Korabi ka ndaluar Kukësin me rezultatin 1-1. Goli për dibranët u shënua nga Gavazaj, ndërkohë që për kuksianët shënoi Lushtaku. Ky barazim bëri që të buzëqeshte Skënderbeu, i cili mposhti Tiranën me rezultatin 2-0.  Supersfida e luajtur në Korçë, e luftuar që në minutën e parë e deri në të fundit, u ndikua nga një gol i shpejtë i sulmuesit Salihi, i cili gjeti rrugën e rrjetës që në minutën e 4-t të sfidës. Liridon Latifi dyfishoi rezultatin në 2-0, rezultat që do mbetej i tillë deri në minutën e fundit.

Një nga supersfidat e kësaj jave ishte edhe Flamurtari-Partizani, ndeshje kjo e mbyllur me rezultatin 1-1 falë golave të Bathës për demat e kuq, dhe Danilo Alvesh për Flamurtarin.

Ja rezultatet e plota të javës së 16-të:

Korabi 1-1 Kukësi

Laçi 1-0 Vllaznia

Luftëtari 1-0 Teuta

Flamurtari 1-1 Partizani

Skënderbeu 2-0 Tirana