Me siguri ju kujtohet Valer Kolnikaj, një nga banorët e edicionit të 7-të të Big Brother, I cili qëndroi në vëmendjen e publikut edhe pas përfundimit të reality show. Së fundmi, ai ishte i ftuar në emisionin “Explus”, ku komentoi edhe moderatoren e “Për’puthen” Bora Zemani.

Valeri e thumboi ashpër prezantuesen teksa theksoi se fjalën dëgjoj ajo e thotë “digjoj” dhe nuk ka parë aftësinë profesionale nga ana e saj.

Ish-banori i reality show u shpreh se Bora thjesht lexon një skenar dhe flet me zërin gjithmonë njësoj.

“Janë disa prezantuese për të qenë unike që janë gjithmonë lart, çfarë do lloj projekti të kenë në dorë. Do e justifikojnë më së miri atë projekt. Bora është një prezantuese shumë e mirë, por sikur të vel. Gjithmonë e njëjta. Nuk kam parë diçka më shumë nga vetja e saj. Kam parë një person që lexon një skenar, një person që flet me atë zërin gjithmonë njësoj. Fjalën dëgjoj e thotë digjoj. Nuk mund të them diçka tjetër se akoma nuk e kam parë atë aftësinë profesionale nga ana saj,” tha ai.