Ylli ekstravagant i shumë hiteve po pretendon fitoren pas një lufte të gjatë dhe intensive me mikeshën e saj të kthyer në armike, Taylor Swift. Dhe për të dhënë verdiktin mes dy yjeve të muzikës pop ka menduar një dj skocez, pikërisht Calvin Harris. Artistja 31 vjecare po feston pasi Calvin konfirmoi në një sërë postimesh të tërbuara në Twitter se ish e dashura e tij Taylor, u përpoq të “varroste” Katy-n, duke bërë me dije kështu se ishte pikërisht Taylor ajo që e filloi gjithë zënkën. Dhe nuk ka vonuar aspak përgjigja e Katy, e cila menjëherë ka postuar disa fjalë në Twitter, të cilave nuk është shumë e vështirë t’ua gjesh kuptimin “Koha, rrëfyesja e fundit e të vërtetave”. Por ajo duket se nuk kishte të ngopur, pasi fjalëve "triumfuese" iu ka shtuar edhe një meme tallëse të Hillary Clinton, si për të treguar se sa për zemër e kishte këtë hakmarrje.