Vetëm 3 ditë më parë Majk dhe Capital T kanë publikuar projektin e tyre më të re “Pasha jetën”, i cili që në fillim po korr shumë sukses, madje ka rrëmbyer mbi 2.4 milion klikime në Youtube.

Capital T dhe Majk kanë realizuar vetë si tekstin ashtu edhe melodinë e këngës e cila ka një skenar të thjeshtë: djemtë i këndojnë një dashurie të shkuar në mënyrë shumë të ëmbël por stil siç dinë ata. Xhirimet e klipit janë bërë jashtë kufijve të Shqipërisë e Kosovës pasi djemtë kanë dashur të japin një aromë shumë europiane në hitin e tyre të ri.

E dëgjojmë në çdo ambient dhe nuk kishim as dyshimin më të vogël që do ishte një super hit e do i përmbushte të gjitha pritshmëritë.

Por e njëjta gjë nuk ka ndodhur me Olti Currin i cili gjithmonë i thotë gjërat ashtu siç i mendon me syrin kritik.

Me anë të një postimi në Facebook-un e tij zyrtar, Olti e ka cilësuar si një këngë të dobët, duke thënë se Majku këndon si këngëtari Maitre Gims, ama pyet se pse Capital T këndon si Majk.

Duke qenë se është bërë trend tashmë që suksesi matet me klikime, Olti shkruan se ua ka fal ato, pasi dëgjohen nga adoleshentët.

Ja postimi i plotë: