Capital T ka bërë goxha përpara në karrierë, por që të zinte vendin e një prej personazheve më të adhuruar vizatimorë, këtë nuk e prisnim. Në një sërë postimesh në Instagram, reperi i njohur duket se është vënë në vend të Gokut, heroit të serialit të animuar japonez “Dragon Ball”, i cili ka rifilluar seritë e reja pas atyre të viteve 80’. Fillimisht ai ka postuar foto ku dukej fiks si heroi legjendar, ndërsa më pas një video në të cilën performon lëvizjen karakteristike të tij, një rrymë energjie të quajtur “Kamehameha”. Të jetë kjo video thjesht argëtuese dhe përmbushje e një ëndrre që vjen nga fëmijëria apo Kapok a ndërmend të përfshijë Gokun në klipin e tij të radhës? Mbetet vetëm ta shohim.