Rihanna-s i pëlqen adrenalina dhe rreziku, kjo duket mjaft mirë edhe në koleksionin e saj më të fundit. Shfaqja për pranverë 2018 të Fenty Puma u realizua mbrëmjen e djeshme në New York dhe i “çmendi” gjithë të ftuarit (si dhe ata që e panë live përmes Instagram-t të Riri-t).

E nismin nga atmosfera e skenës, dunat prej rëre rozë vendosur mbi një podium të zi si dhe zhurma e motorrëve, të cilët vërtiteshin nëpër skenë dhe bënin lloj-lloj marifetesh.
Veshjet, sigurisht ishin një kombinim chic/sport/biker, pak agresive, pak futuristike, pak nga të gjitha që mund të presim nga Riri.

Modele si Joan Smalls, Duckie Thot apo Adriana Lima ishin pjesë e pasarelës.

Në fund të shfaqjes nuk mund të mungonin buzëqeshjet dhe puthjet që Riri iu falte të ftuarve, hipur mbi një motorr, sigurisht.