Pasi klipi i Encës, “Dreq” e cila i la të gjithë pa fjalë me shifrën e frikshme prej një milionë klikimesh në vetëm dy ditë, tani ishte radha e Noizy. Në një postim në Instagram ai ka falenderuar fansat për mbështetjen e tyre, e cila mundësoi që ai të kapte shifrën e plot 3 milionë klikimeve në shumë pak ditë nga publikimi i kiëngës.

Kjo është një periudhë e ngarkuar jo vetëm për familjen OTR, por veçanërisht për reperin 29 vjeçar. Noizy ka bërë me dije se ka gati 5 këngë  të tjera, veç “Grande” dhe “Not Gonna Talk”, të cilat do të publikohen nga një për çdo javë. Të gjitha janë pjesë e albumit të tij Zin City, i cili po shpaloset me një model tërësisht të huaj. Mbetet vetëm për t’u parë sa suksese do ketë, por duke llogaritur numrin e fansave...është një bast i sigurt!