Nuk e dimë se çfarë e shqetëson konkretisht Emën, por ama diçka e ka nevrikosur(kështu thotë dhe statusi nç Facebook) dhe jo pak.  Këtë e tregon ajo vetë nëpërmjet një statusi, ku shpreh gjithë pakënaqësinë dhe hidhërimin ndaj një populli, atij shqiptar, të cilit sipas artistes, i pëlqen dhuna. Ema nuk i kursen fjalët për një “dhunë verbale dhe fizike” të pranishme kudo. Ajo apelon për shërimin e një populli, e ardhmja të cilit, sipas saj, është “një tru i dhunuar i një fëmije të dhunuar”. Jo tamam ajo që mund të konsiderohet si një pakënaqësi e thjeshtë.

Duke gjykuar nga fjalët e saj, të cilat sulmojnë praktikisht çdo lloj dhune, nuk besojmë se gjithçka Profesoresha e Akademisë e Arteve tha, i ka parë brenda një ditë dhe thjesht ka vendosur të flasë kundër tyre. Më shumë duket se ka rënë pika që e ka bërë gotën të derdhet. Natyrisht që shpirti i një artisti është më i ndjeshëm dhe mund të bëhet fjalë thjesht për rebelim ndaj padrejtësive që vëzhgon rreth e rrotull. Ne gjithsesi shpresojmë që edhe në rast se ka ndodhur diçka konkrete, pas gjumit, gjithçka të jetë më mirë.