Pop starja Dua Lipa ka fituar famë mbarëbotërore në industrinë muzikore dhe tashmë ka hedhur sytë në botën e modës me lançimin e koleksionit të saj të parë.

Këngëtarja e hitit “One Kiss” ka thënë se po bashkëpunon më një nën-markë të H&M për një linjë e cila do të dalë në treg këtë vjeshtë.

Gjithësesi, duket sikur jo të gjithë janë të kënaqur me këtë koleksion pasi nuk është gjithëpërfshirës kur vjen puna te masat e rrobave.

Dua Lipa e bëri njoftimin e linjës së re në Twitter dhe u shpreh se mezi prite t’a ndante me fansat punën e saj.

Fansat e gëzuar gëluan në profilin e këngëtares me pyetje për koleksionin e ri, ku disa prej tyre pyesnin nëse rrobat do të ishin uniseks dhe nëse do të përfshinin masa të mëdha.

Këngëtarja u përgjigj: “Po, ajo që kam dashur të bëja me këtë koleksion është të ishte universal dhe i aksesueshëm për të gjithë” dhe në një post tjetër që tashmë është fshirë kishte shkruar, “Shkon deri në masën 16 UK”.

Megjithëse Dua u shpreh se dontë që rrobat të ishin të “aksesueshme”, shumë fansa u treguan të shpejtë për të vënë në dukje që masat arrijnë deri në 16 – masa mesatare e rrobave në Mbretërinë e Bashkuar (deri në masën L) – dhe nuk janë aspak gjithpërfshirëse.

Fansat janë treguar shumë të ashpër me këngëtaren dhe kanë bërë postime të shumta në Twitter.

Ata i kanë shkruar gjëra të tipit: “je e famshme për më pak se një vit dhe je kaq larg me realitetin, a se sheh ç’bëhët vërdallë? Linja jote nuk është e aksesueshme për pjesën më të madhe të botës”, “Dua të duam por linja jotë s’është aspak gjithëpërfshirëse, ka dhe njerëz të shëndoshë në botë”, ”Të mos bësh masa për njerëzit e shëndoshë është çdo gjë përveçse gjithëpërfshirëse”, “Me këtë që ke bërë në humbje do të dalësh ti”, etj.

Dua ende nuk është shprehur publikisht për këtë çështje.