Pavarësisht se nuk postonin shpesh foto bashkë, detaje të ndryshme nga profilet e tyre në Instagram tregonin se Lori Hoxha dhe Vis Bajraktari vazhdonin të shijonin romancën e nisur vite më parë. Por së fundmi flitet se Lori dhe Visi i kanë dhënë fund lidhjes së tyre dhe arsye është bërë një e tretë. Madje shumë ndjekëse ia vënë në dukje këtë gjë fashionistes shqiptare, përmes komenteve në fotot e saj.

E ndërkohë që të gjithë po flasin për ndarjen e tyre, Lori u dha mundësinë ndjekësve të saj në Instagram, që t’i bënin pyetjet që dëshironin dhe do të merrnin përgjigjet më të sinqerta.

Një prej ndjekësve, e pyet fashionisten se çfarë e inatos më shumë dhe Lori përgjigjet: “Padrejtësia, mosmirënjohja, injoranca”. Ndërsa dikush tjetër e pyet se nga çfarë tërhiqen më shumë meshkujt nga femrat dhe përgjigjja e saj është: “Vetëbesimi”.

Pra Lori sapo na tregoi se ka armë të fortë të sajën vetëbesimin dhe shumë mirë bën.