Albumi i saj i tretë "Dangerous Woman" më në fund është publikuar. Seti prej 11 këngësh menjëherë është bërë pjesë e shërbimeve streaming online si iTunes apo Spotify. Fatin që ta dëgjonin të parët albumin e kanë pasur fansat e artistes jashtë territorit të Shteteve të Bashkuara, një fakt ky që e ka konfirmuar edhe vetë Ariana përmes Twitter-it të saj. Duhet theksuar se që në orët e para të publikimit, albumi është kthyer në sensacion të mediave sociale Facebook / Twiiter. Shumë e kanë komentuar atë si një ndër punët më mira të Ariana Grande. Por kjo tashmë nuk përbën ndonjë çudi pasi edhe albumet e mëparshme, “My Everything” dhe “Yours Truly”, arritën të ngjiteshin në krye të Billboard 200!