NRG Band ka publikuar këngë shumë të suksesshme gjatë kohëve të fundit, ku veçojmë “As 1 Si Ti” apo “Ajo M’Kalli”, të cilat i kanë bërë menjëherë për vete fansat duke numëruar miliona klikime në YouTube. Megjithatë rrugëtimi i tre vëllezërve Qaka, Besnikut, Arbenit dhe Metit, fillon kohë më parë.

Saktësisht që në vitin 2000 kur e emërtuan veten për herë të parë si NRG Band, ndërsa kujtojmë që më parë Arbeni dhe Meti ishin pjesëtarë të grupit Dora D’Istria, ndërsa Besniku kishte kënduar përkrah grupit shumë të famshëm rap, Ritmi i Rrugës. Në vitin 2004 ata realizojnë albumin e tyre të parë “Ama...”, ku kemi veçuar këngën me të njëjtin titull, për të parë se sa shumë kanë ndryshuar në vite djemtë Qaka. Rezultati është i habitshëm, veçanërisht kur bëhet fjalë për vokalistin, Besnikun, i cili thuajse nuk njihet. Por talenti ama nuk u ka munguar.