Romeo Veshaj dhe Jonida Maliqi një prej çifteve më të përfolura të showbizzit tashmë e kanë konfirmuar ndarjen nga njëri tjetri. Vetë aktori 25 vjeçar ka folur për herë të parë në “Thumb” për historinë me këngëtaren ndërsa pranoi se aktualisht është single.

Ai tha gjithashtu se asnjëherë nuk e ka mohuar lidhjen me të dhe se heshtja në raste të tilla nënkupton pranimin e të qënit bashkë. Aktori ka hedhur poshtë ndërkohë të gjitha zërat për një lidhje me Sara Kolamin, Fifin apo Xheisarën ashtu siç është përfolur së fundmi.

Ai ka thënë se me Jonidën kanë mbetur miq dhe kur u pyet për shkakun e ndarjes, u shpreh: “Çfarë ka ndodhur është e shkuar, anija u mbyt. Kapiteni u mbyt me gjithë anijen. Sado ta riparosh Titaniku nuk lundron më”.