Këngëtarja e famshme Juliana Pasha ka rrëfyer për "Tek Une me Arjola Shehun" disa nga pasionet e saj. Juliana tregon të gjitha prapaskenat e projektit të saj më të fundit "Jeto". Kënga "Jeto" mbart në vetvete një mesazh shumë të fortë për të gjithë personat  e dhunuar, por jo vetëm kaq pasi ky material muzikor vjen si një vepër bamirësie nga Juliana dhe Organizata "Të ndryshëm dhe Të Barabartë" dhe çdo e ardhur që do të mblidhet nga klikimet e kësaj kënge në youtube për këtë vepër muzikore do të shkoje në ndihmë të personave të trafikuar. Juliana sqaron në emisionin "Tek Une me Arjola Shehun" edhe arsyet pse videoklipet e saj nuk jane të shpeshta,madje janë të pakta në numër krahasuar me karrierën e gjatë muzikore që ka këngëtarja. Juli gjithashtu do ti rrëfehet Arjolës për pasionin që ka për gatimin si dhe biznesin e saj të ri. Ajo tregon edhe për marrëdhënien e ngushtë që ka me këngëtaret Olta Boka e Kejsi Tola, duke e cilësuar me humor këtë marrëdhënie si një treshe të fortë Eurovisioni! Këto dhe të tjera ndiqini në linkun e mëposhtëm: