Këngëtari i njohur, John Legend ka treguar së fundmi në një intervistë për ‘The Times’ për shoqërinë me reperin Kanye West.

Artisti ka pohuar se distanca midis tyre nuk lidhet aspak me mbështetjen e West për Presidentin e Amerikës, Donald Trump.
“Nuk besoj se jemi më pak shokë për shkak të Trump. Mendoj që secili nga ne po merret me gjërat e veta, jemi në dy vende të ndryshme. Të dy ne kemi familjet tona për të cilat kujdesemi, nuk kemi më raporte biznesi me njëri-tjetrit dhe ky është thjesht rrethi i jetës”, ka pohuar Legend. Kujtojmë se kohë më parë John së bashku me partneren e tij, Chriss kalonin më shumë kohë me familjen Kardashian, megjithatë me kalimin e kohës duket se marrëdhënia e tyre është ftohur.