Kreu i Departamentit të Politikës së Jashtme në PD, Kreshnik Çollaku, ka postuar një status të çuditshëm në profilin e tij, ku paralajmëron shpërthimin e një konflikti në vend.

Sipas Çollakut, “Rilindja” ka një plan për të provokuar fizikisht protestuesit e opozitës që ndodhen në çadrën te Bulevardi Dëshmorët e Kombit, me militantët e PS-së.

Por situata pranë çadrës së protestës duket e qetë. Ndërsa provokim i protestuesve të PD-së është regjisturar vetëm një herë, disa ditë më parë, ku një militante socialiste nga Vlora nisi të ofendonte Lulzim Bashën.

Por situata atë ditë u vu nën kontroll me ndërhyrjen e forcave të policisë ndërsa politika u distancua. Nuk dihet nëse Çollaku ka informacione të tjera lidhur me këtë plan, dhe përse nuk i bën publike nëse ka.